Кансорцыум БНР100 узнік у 2018 годзе пры падрыхтоўцы масавых святкаванняў 100-годдзя абвяшчэння незалежнасці Беларускай Народнай Рэспублікі і аб'ядноўвае актывістаў, блогераў, прадпрымальнікаў, грамадскія ініцыятывы і арганізацыі на аснове супольных каштоўнасцяў: незалежная Беларусь, свабода і дэмакратыя, павага да нацыянальных сімвалаў, традыцый, культуры, гісторыі і беларускай мовы.
Спрыянне незалежнасці краіны, адзінству беларускай нацыі і ўстойлівасці грамадства шляхам правядзення:
Кансорцыум БНР100 вясною 2020 года распачаў грамадскую кампанію «Годна».
Падрабязная інфармацыя на hodna.by.
Сучасную беларускую нацыю ствараюць ня проста беларусы, а годныя беларусы, дынамічныя людзі, якія адчуваюць выклікі сучаснага свету, валодаюць сучаснымі сродкамі камунікацыі, глядзяць у будучыню і пры гэтым стаяць на грунце беларускіх каштоўнасцяў, здольныя аб’яднаць вакол іх усё беларускае грамадства.
25 сакавіка Каманда БНР100 арганізавала адзначэнне 102-й гадавіны абвяшчэння незалежнасці Беларускай Народнай Рэспублікі ў фармаце анлайн-свята «Годны Дзень Волі» з удзелам вядомых беларускіх дзеячаў культуры, грамадскіх актывістаў і музычных гуртоў.
Падрабязней тут.
Каманда БНР100 распрацавала і апублікавала на bnr.by план дэцэнтралізацыі Дня Волі, які складаецца з чатырох простых крокаў, якія дапамогуць кожнаму беларусу самастойна, а ў выніку нам усім разам годна адзначаць дзень абвяшчэння незалежнасці Беларускай Народнай Рэспублікі.
Падрабязней тут.
Песня Змітра Вайцюшкевіча «25 сакавіка» на словы Уладзіміра Някляева. Прэзентавана 25 сакавіка 2020 года да 102-й гадавіны абвяшчэння незалежнасці Беларускай Народнай Рэспублікі.
Падрабязней тут.
Усе ролікі на ютуб-канале «Годна».
22 лютага ў мінскім культурным хабе «ОК16» Кансорцыум БНР100 сабраў разам 50 беларускіх кампаній, арганізацый, ініцыятыў і творчых калектываў, каб годна правесці маштабнае і ўнікальнае свята «Мова Фэст», прымеркаванае да Міжнароднага дня роднай мовы.
Сайт свята: movafest.by.
Каманда Кансорцыума БНР100 займалася зборам сродкай на арганізацыю беларускай праграмы ў рамках мерапрыемстваў па перапахаванню паўстанцаў, якое адбылося 22 лістапада 2019 года ў Вільні, а таксама інфармацыйнай кампаніяй па папулярызацыі беларускага героя Кастуся Каліноўскага.
Сайт кампаніі: kalinouski.me.
Мы арганізавалі збору сродкаў, прасоўванне і патрэбную дапамогу Змітру Дашкевічу ў правядзенні штогадовай акцыі ў Курапатах 29 лістапада ў дзень, калі ў 1937 годзе там службоўцы НКВД растралялі беларускіх літаратараў і культурных дзеячаў.
Сайт акцыі: kurapaty29.by.
Мы займаліся зборам сродкаў, арганізацыяй і правядзеннем святкавання Дня Волі ў 2019 годзе ў Гродне разам з мясцовым аргкамітэтам, у які ўваходзілі прадстаўнікі розных грамадскіх і палітычных арганізацый горада.
Падрабязней тут.
Пасля зносу крыжоў у Курапатах 4 красавіка 2019 года нашая супольнасць прыняла ўдзел у аператыўнай арганізацыі вечаровай акцыі супраць знішчэння народнага мемарыялу.
Падрабязней тут.
Мы займаліся арганізацыяй дэцэнтралізаванага святкавання Дня Волі ў 2019 годзе і інфармацыйнай кампаніяй па прасоўванню гэтай ідэі.
Сайт ініцыятывы: bnr.by.
Новая супольнасць актывістаў, блогераў, прадпрымальнікаў, грамадскіх ініцыятыў і арганізацый узнікла ў 2018 годзе ў часе падрыхтоўкі да святкавання 100-годдзя абвяшчэння незалежнасці Беларускай Народнай Рэспублікі.
Як выглядала праграма святкавання ў розных кутках Беларусі і свету глядзіце тут.
Фіналам адзначэння 100 гадоў абвяшчэння незалежнасці БНР стала «Свята Незалежнасці», якое адбылося 25 сакавіка 2018 года ля Опернага тэатру ў Мінску. Яго мы ладзілі сумесна з грамадскімі, палітычнымі і камерцыйнымі арганізацыямі Беларусі, займаліся зборам сродкаў праз краўдфандынгавыя платформы.
Падрабязней тут.
Наша супольнасць выступіла партнёрам кампаніі «Наш дзень» і далучыўся да арганізацыі летняга вялікага фэсту ў Музеі народнай архітэктуры і побыту пад Мінскам з удзелам лепшых беларускіх музычных калектываў.
Падрабязней тут.
Грамадскі дзеяч, паэт, арт-мэнэджар, кіраўнік культурніцкай арганізацыі «Арт Сядзіба»
Блогер, грамадскі дзеяч, медыя-эксперт, палітычны аглядальнік, стваральнік інфармацыйныйнага рэсурса 1863x.com
Журналіст, медыя-эксперт, грамадскі дзеяч, крэатыўны дырэктар «Радыё Свабода», віцэ-прэзідэнт Digital Communication Network
Бізнесмен, грамадскі дзеяч, арт-мэнэджар, кіраўнік камерцыйнай кампаніі Symbal.by і грамадскай кампаніі «Годна»
Грамадскі і культурны дзеяч, музыка, актор у Belarus Free Theatre, арт-мэнэджар у «Арт Сядзібе»
Блогер, грамадскі дзеяч, заснавальнік ініцыятывы #МотолькоПомоги, сузаснавальнік molаmolа.by, эксперт iSANS
